Algjeria kërkon nga Franca të pranojë për krimet koloniale të saj

Belhimer po ashtu theksoi se puna dhe komunikimi midis Algjerisë dhe Francës do të vazhdojë për më shumë arritje, më e rëndësishmja prej të cilave, siç tha ai, është “arritja morale”, njohja e krimeve koloniale të Francës”

Sipas qeverisë së Algjerisë, ikja e Francës nga pranimi i krimeve të saj koloniale nuk do të zgjasë shumë, transmeton Anadolu Agency (AA).

“Ikja e Francës nga njohja e krimeve të saj koloniale në Algjeri nuk mund të zgjasë shumë. Një kriminel zakonisht bën gjithçka që është e mundur për të shmangur pranimin e krimeve të tij”, tha Ammar Belhimer, ministër i Informacionit i Algjerisë.

Siç raporton e përditshmja shtetërore El-Massa, ministri Belhimer po ashtu theksoi se puna dhe komunikimi midis Algjerisë dhe Francës do të vazhdojë për më shumë arritje, më e rëndësishmja prej të cilave, siç tha ai, është “arritja morale”, njohja e krimeve koloniale të Francës”.

Komentet e ministrit algjerian janë reagimi i parë zyrtar dy javë pasi Franca lëshoi një raport mbi kolonizimin e Algjerisë nga vitit 1830 deri në vitin 1962, raport që shkaktoi kritika të gjera në Algjeri për injorimin e “krimeve koloniale”.

Më 20 janar, historiani francez, Benjamin Stora, i dha presidenti francez, Emmanuel Macron, një raport mbi epokën koloniale të Algjerisë. Media franceze citoi Pallatain Elysee duke theksuar se, “Raporti nuk do të thotë marrja e një hapi të faljes ndaj Algjerisë”.

Autoritetet dhe historianët algjerianë thonë se kjo periudhë ishte dëshmitare e vrasjes së pothuajse 5 milionë njerëzve, si dhe fushatave të zhvendosjes, plaçkitjes së pasurisë, si dhe vjedhjes së mijëra dokumenteve dhe objekteve, disa prej të cilave datojnë në epokën Osmane (1515-1830).

Zyrtarët francezë në disa raste përsëritën domosdoshmërinë e kthimit të një faqeje të reje në marrëdhëniet dypalëshe, por Algjeria në mënyrë të përsëritur kërkoi njohjen zyrtare nga Parisi të krimeve koloniale./AA/

Leave a Reply