Autoritetet bjelloruse bllokojnë me tela me gjemba sheshin në Minsk, ndalojnë protestuesit

Autoritetet në Bjellorusi bllokuan me tela me gjemba sheshin qendror në kryeqytetin Minsk duke ndaluar protestuesit, nteksa ata dolën në rrugë për një marshim tjetër të dielën, pas zgjedhjeve të diskutueshme të vendit muajin e kaluar.

Një dëshmitar i Reuters pa një kolonë njerëzish me të paktën 10,000 veta duke lëvizur drejt sheshit të Pavarësisë të dielën.

Të shtunën, të paktën 5,000 njerëz kishin marshuar nëpër qytet duke kërkuar lirimin e një udhëheqësi të burgosur të opozitës, në të fundit në një valë protestash masive pas votimit presidencial më 9 gusht.

Një total prej 114 personash u arrestuan natën e kaluar, nga të cilët 99 u arrestuan në kryeqytet, tha Ministria e Brendshme, shkruan abcnews.al.

Sheshi Oktyabrskaya në qendër të Minskut është rrethuar me tela me gjemba të dielën, tha një dëshmitar i Reuters. Sheshi i Pavarësisë u rrethua gjithashtu.

Bjellorusia, ish-aleati më i afërt i Rusisë, është përfshirë nga protesta masive që nga zgjedhjet presidenciale të 9 gushtit, të cilat opozita thotë se ishin të manipuluara.

Lukashenko, i cili ka në pushtet 26 vjet, e mohon këtë dhe ka thënë se fuqitë e huaja qëndrojnë prapa protestave.

Figurat kryesore të opozitës së Bjellorusisë janë burgosur ose janë detyruar të largohen nga vendi. Lukashenko do të vizitojë Rusinë për bisedime me Presidentin Vladimir Putin të hënën dhe të dy vendet fillojnë stërvitjet e përbashkëta ushtarake në 14 shtator. 

Leave a Reply