Biden bombardon kufirin e Sirisë, vriten 17 luftëtarë iranian

Luftëtarë të milicisë së mbështetur nga Irani, u vranë të enjten nga një sulm ajror nga SHBA-të, në shenjë hakmarrje për sulmet me raketa që plagosën trupat amerikane dhe vranë një kontraktor në Irak.

“Në drejtimin e presidentit Biden, forcat ushtarake amerikane kryen sulme ajrore kundër infrastrukturës së përdorur nga grupet militante të mbështetura nga Irani në Sirinë lindore”, ka deklaruar zëdhënësi i Pentagonit John Kirby.

“Këto sulme u autorizuan në përgjigje të sulmeve të fundit kundër personelit amerikan dhe të koalicionit në Irak, si dhe kërcënimeve të vazhdueshme ndaj këtij personeli”, tha ai.

Sipas Pentagonit, avionët luftarakë amerikanë hodhën shtatë bomba precize duke goditur shtatë objektiva, që përfshijnë një kalim të përdorur nga grupet e armatosura për të zhvendosur armët përtej kufirit.

Sulmi ajror ishte veprimi i parë ushtarak i ndërmarrë nga administrata e Biden, pas tensioneve të përsëritura midis Iranit dhe Shtëpisë së Bardhë gjatë katër viteve të fundit./tvklan.al

Leave a Reply