Çka fshehin celularët e pjesëmarrësve në ngjarjet e përgjakshme të 27 prillit ?

Para 27 prillit ka përdorur pesë telefona celular, ndërsa pas ngjarjeve të përgjakshme në Kuvendin e Maqedonisë, i akuzuari ka mbetur vetëm me një telefon. Është vetëm njëri nga shumë pjesëmarrës në këto ngjarje, të cilët me qëllim që të fshehin dëshmi, i kanë hudhur ose shkatërruar celularët e tyre, shkruan TV 24, duke u thirrur në burime nga Prokuroria për krim të organizuar, përcjell Telegrafi Maqedoni.

Në përpjekje për të dëshmuar vepra më të rënda penale nga pjesëmarrja në turma, prokurorët hulumtojnë numrat dhe analizojnë komunikimet e 122 numrave telefonik. Hulumtimi shkon më rëndë pasi që më parë nuk ka pasur PI-masa me të cilvt organet hetuese në mënyrë të fshehtë nuk e kanë ndjekur komunikimin e tyre telefonik.

Në Prokurori kanë mbërritur edhe telefonat e Igor Jug, i cili u arrestua para dy ditësh në qendër të Kumanovës. Tani Prokuroria dyshon për përdorim të paautorizuar të armëve dhe për këtë shkak, para përfundimit të paraburgimit tetë ditor, gjegjësisht kah fundi i javës së ardhshme, do të kërkohet zgjatje e paraburgimit, por këtë herë në 30 ditë./Telegrafi/

Leave a Reply