Erdogan fton Merkel dhe Steinmeier në Turqi

Presidenti turk, Recep Tayyip Erdogan tha se kancelarja gjermane, Angela Merkel dhe presidenti, Frank Walter Steinmeier do të vizitojnë Turqinë në vitin 2019 me ftesën e tij.

“Të dyja palët kanë rënë dakord për të vizituar njëri-tjetrin më shpesh”, tha Erdogani të shtunën për gazetarët gjatë kthimit në Turqi pas vizitës së parë shtetërore në Gjermani.

“Vullneti i mirë… ne do i presim ata në Turqi në vitin 2019”, tha ai, sipas komenteve të publikuara sot nga e përditshmja turke “Hurriyet”.

Ai tha se Gjermania është një vend i rëndësishëm për Turqinë, ndonëse problemet mes tyre vazhdojnë dhe kritikoi sjelljen e Steinmeier gjatë një banketi ku foli për burgosjen e qytetarëve gjermanë në Turqi dhe shkeljet e të drejtave të njeriut.

Leave a Reply