Helga Schmid emërohet Sekretare e Përgjithshme në OSBE

Diplomatja e lartë e Bashkimit Europian, Helga Schmid u emërua të premten sekretare e përgjithshme e Organizatës për Sigurinë dhe Bashkëpunimin në Evropë (OSBE).

Schmid, Sekretarja e Përgjithshme gjermane e Shërbimit Evropian të Veprimit të Jashtëm, krahu diplomatik i BE-së, është e njohur për aftësitë e saj diplomatike, veçanërisht nënshkrimin e marrëveshjes bërthamore me Iranin në vitin 2015.

Gjithashtu, Sekretarja e Shtetit e Portugalisë për Punët e Jashtme Maria Teresa Ribeiro u emërua si përfaqësuese për lirinë e medias.

Ish-ministri i Jashtëm i Kazakistanit Kairat Abdrakhmanov u emërua komisioner i lartë për pakicat kombëtare dhe politikani italian Matteo Mecaci tani është drejtori i zyrës për institucionet demokratike dhe të drejtat e njeriut.

Zyrtarët e lartë u emëruan unanimisht nga 57 shtete anëtare gjatë takimit të 27-të të Këshillit Ministror të OSBE-së në Tiranë të Shqipërisë.

Leave a Reply