Alarm për bombë në një avion të kompanisë “Germanwings”

Një alarm për bombë është dhënë në një avion të “Germanwings”, i cili do të nisej nga aeroporti i Bonn-it, Gjermani, me destinacion Milanon.

Lajmi është dhënë nga vetë kompania gjermane, ku më pas është bërë me urgjencë evakuimi i të gjithë pasagjerëve të avionit.

Alarmi për bombë është dhënë vetëm pak momente para se avioni të linte aeroportin. Kulla e kontrollit kontaktoi pilotin, i cili i ndaloi manovrat për fluturim dhe e dërgoi menjëherë avionin në zonën e parashikuar për raste të tilla.

Vetëm pak ditë më parë një avion i kompanisë “Germanwings” u rrëzua në Alpet franceze, duke i marrë jetën 150 pasagjerëve.

Leave a Reply

Your email address will not be published. Required fields are marked *