Kongresisti amerikan: Washingtoni duhet të jetë më i përfshirë në dialogun Kosovë – Serbi

Kongresisti i Teksasit, Ted Poe pret që Washingtoni të jetë më shumë i përfshirë në zgjidhjen e çështjes së dialogut Kosovë – Serbi.

“Unë mendoj se Washingtoni do të jenë më i përfshirë dhe duhet të jetë më i përfshirë në zgjidhjen e kësaj çështjeje dhe ndoshta BE-ja lëviz për një rol të ndryshëm, sepse unë mendoj se Shtetet e Bashkuara mund të ndihmojnë për të inkurajuar jo vetëm Serbinë, por edhe Kosovën të ulen në tryezën e bisedimeve në zgjidhjen e çështjeve që i kanë me vite”, tha ai për Zërin e Amerikës.

Sipas tij, Kosova ishte pjesë e problemit, për shkak të mosgatishmërisë për të gjetur një kompromis dhe një zgjidhje afatgjatë për paqen në rajon.

Ai shton se është i kënaqur që Shtetet e Bashkuara janë më të angazhuara në Ballkanin Perëndimor dhe beson se Kongresi po bën më shumë.

Poe pas përfundimit të këtij viti ka dalë në pension, dhe në seancën e re të Kongresit në janar, në pozicionin e grupit parlamentar do të zëvendësohet nga një kongresist republikan nga Ohajo, gjeneral brigade Steve Stivers.

Leave a Reply

Your email address will not be published. Required fields are marked *