Lavrov: Putin dhe Trump mund të takohen për të përmirësuar marrëdhëniet

Presidenti i Rusisë, Vladimir Putin, dhe ai i Shteteve të Bashkuara, Donald Trump, mund të takohen prapë.

Kjo nëse ata ndjejnë nevojën për t’u përqendruar në përmirësimin e marrëdhënieve, ka thënë Ministri i Jashtëm rus, Sergei Lavrov, sipas agjencisë shtetërore të lajmeve RIA.

“Nëse udhëheqësit ndjejnë nevojën për t’u takuar dhe t’i kthehen çështjes që mendojmë se e bashkojnë Rusinë dhe Shtetet e Bashkuara …mendoj se një takim i tillë mund të zhvillohet”, ka thënë Lavrov.

Pas takimit të tyre në Helsinki, Trump mori një valë kritikash për arsye se kishte dështuar që ta akuzonte Putinin për ndërhyrjen e Moskës në zgjedhjet amerikane të vitit 2016 si dhe t’i mbronte qëndrimet e agjencive të inteligjencës që e shohin Rusinë si kërcënim

Si rezultat, Trump shtyu takimin me homologun e tij rus për vitin e ardhshëm. Pak ditë më vonë, Putin tha se dëshironte që Trump të ishte mysafiri i tij në Moskë dhe Shtëpia e Bardhë e mirëpriti këtë ide pavarësisht kritikave të vazhdueshme në lidhje me samitin e Helsinkit.

Rusia është në kërkim të takimeve të tilla pasi që është nën sanksionet ndëshkuese të vendosura nga Shtetet e Bashkuara dhe Bashkimi Evropian dhe dëshiron që ato të hiqen.

Lavrov ka thënë se Rusia ishte gati t’i vazhdonte kontaktet me Shtetet e Bashkuara nëse pala amerikane ishte po ashtu e gatshme të vepronte në bazë të barazisë, ka raportuar RIA.

Leave a Reply

Your email address will not be published. Required fields are marked *