Shkarkimi i Sulejman Rexhepit dhe efekti i pritshëm domino

Si u shkarkua Sulejman Rexhepi? Kush e shkarkoi? Pse u shkarkua? Le ta fillojmë këtë analizë duke iu përgjigjur nga fundi pyetjeve të shtruara në krye

Nga Ilir Topi

Sulejman Rexhepi, ish-uzurpatori i BFI-së dhe militanti i sinqertë i BDI-së, u shkarkua pasi që, me dy-tre prononcimet e tij lidhur me CoronaVirusin Covid 19, e dëmtoi tepër shumë këtë strukturë partiake, duke ia ulur pozicionet si në bazë ashtu edhe në institucionet shtetërore. BDI-ja, përkundër qindra fakteve dhe argumenteve të publikuara nga Lëvizja Myslimane Për Reforma në BFI, e që flisnin për dëmtimin e BFI-së nga Sulejman Rexhepi, asnjëherë nuk reagoi por, reagoi kur e ndjeu “guximin” e tij për ta dëmtuar këtë parti! Natyrisht, nuk ishte i vetëm në këtë dëmtim të BDI-së! I joshur pas korrupcionit që ia mundësonte Sulejman Rexhepi, përkrahjen e pati edhe nga Bujar Osmani, funksionari i lartë dhe më i përgëdheluri i BDI-së? Natyrisht, tërë ajo “armatë” kombëtare kundër Sulejman Rexepit, janë të pozicionuar edhe kundër pataricës së tij, Bujar Osmanit, prandaj, BDI-ja në zgjedhjet e ardhshme, me Bujar Osmanin si “frontmen” do të humbë, jo si funksionar i BDI-së por, si përkrahës besnik i Sulejman Rexhepit!
E gjendur në një presion medial të vazhdueshëm të Lëvizjes Myslimane për Reforma në BFI kundër uzurpatorit Sulejman Rexhepi, tashmë BDI-së ky uzurpator iu bë një barrë tepër e rëndë dhe, për ta hequr qafe këtë hipotekë të kriminalizuar, e gjunjëzuar edhe para këtij presioni të Lëvizjes, më në fund, do ta inicojë dhe do të urdhërojë shkarkimin e Sulejman Rexhepit! Natyrisht, urdhëri ishte i këtij subjekti politik, kurse aksioni u krye me sukses nga shërbimet intelegjente maqedonase si dhe nga bashkëpunëtorët e këtij shërbimi që për më shumë se dy dekada ia mbajtën iso-n Sulejman Rexhepit deri sa e sollën në derexhen e largimit të domosdoshëm!
Por, a mori fund problemi në BFI?! U largua vetëm Zharko kurse “zharkoçicat” e tij, si ata derrkucët me turinjtë në cicat e dosës së majme, mbetën brenda BFI-së, për ta vazhduar edhe më tej lojën e shërbimeve antiislame.
Pra, Sulejman Rexhepi u shkarkua bazuar në një nen (Neni 58 të Kushtetutës së BFI-së) i cili nuk mund të kundërshtohet! U shkarkua nga “komuniteti” i Sulejman Rexhepit i cili dirigjohet nga shërbimet sekrete intelegjente. Ndryshe, askush nuk do të mund ta ndërmerre këtë masë ndëshkimore, sepse, Sulejman Rexhepi që të gjithë këtë strukturë puçistësh i ka në grusht, ua di mentalitetin, ua njeh shpirtin, ua di zorrët, edhe florën e zorrëve, ua di të bëmat e tyre antikombëtare e antifetare, sepse, që të gjithë i ka pasur krah të djathtë! Natyrisht, asnjëri nga ai “dhjetëshi” famoz i shkarkimit të Mulla Sulës, nuk do t’i hynte kësaj pune, nuk do të pranonte të bëhej pjesë e srukturave të shërbimeve intelegjente, nëse nuk do të kishin garanca të fuqishme se do të mbroheshin nga zbërthimi i tyre si bashkëpunëtorë dhe lojalistë të këtyre shërbimeve. Ata nuk e kanë për dert nëse do të paditen si bashkëpjesëmarrës në zhvillimin e veprimtarisë kriminale të Sulejman Rexhepit, në vjedhje, në zhvatje, në keqpërdorim të vakëfit, deri në shkatërrim të BFI-së, sepse, ja që, sakaq, na dolën “shpëtimtarë”! Ata frikësohen se mos po zhvishen nga Sulejman Rexhepi si bashëpunëtorë të shërbimeve! Pasi kanë marrur garanca të forta se nuk do ta lënë Sulejman Rexhepin të flasë në këtë drejtim, ata zbatuan brenda 48 ore urdhërin e BDI-së dhe aksionin e shërbimeve intelegjente maqedonase. Tani, ky shërbim, përmes mediave të veta të caktuara, po mundohet ta kanalizojë çështjen duke faktorizuar njerëz të vetë, të cilët nuk janë hiç më të mirë se Mulla Sula. Këta media dhe “pronari” i tyre duhet ta dinë se, askush nuk i di punët e BFI-së më mirë se LËVIZJA MYSLIMANE PËR REFORMA NË BFI, sepse kjo lëvizje është zëri, nevoja shpirtërore dhe e domosdoshmja e myslimanëve të vendit, të cilët, tashme të njohtuar në hollësi me Platformën, projektin dhe programin e shpëtimit të Institucionit të tyre shpirtëror, ia ka dhënë përkrahjen masovike për t’i realizuar të gjitha ato reforma në BFI. Dhënia hapësirë njerëzve jokompetentë është zbatim i urdhërit të këtyre shërbimeve intelegjente që nuk ia urojnë rehatinë BFI-së.
Duke ia njohur “kapacitetin intelektual” “kolumnistit” Sulejman Rexhepi, është shumë afër mendësh që ai veçmë tash është duke e përgatitur librin, të cilin, si titull pune, e paska titulluar “Banditët e Sulejman Rexhepit”, në të cilin do ta zbërthejë tërë forcën prej spiuni të çdo bashkëpunëtori të tij! Nuk mundet që ai të ikë, ndërsa ata që e ndihmuan, që ia mbajtën iso-n në krim, ata që morën pjesë në çdo vepër penale të tij, ta drejtojnë BFI-në! Dihet besnikëria ndaj Sulejman Rexhepit që e kishte si fe Shaqir Fetahu, Qani Nesimi, Qenan Ismaili, Mustafa Dauti etj.
Kur i shkroi Sulejman Rexhepi memoaret e veta, pat nga ata teologë që i reaguan nëpër ndeja se pse ua ka përmendur emrat si bashkëpunëtorë të UDB-së! Pra, asnjë teolog nuk reagoi se pse etiketoheshin hoxhallarët prej tij, por, pse nxirren emrat e “hoxhallarëve” si udbashë! A mos ishte ky vetëm një sinjal se Sulejman Rexhepi, të gjithë spiunët udbashë do t’i marrë me vete nëse një ditë do ta shprehnin më të voglin kundërshtim ndaj tij?!
Nuk pati kundërshtim, pati vetëm pjesëmarrje besnike në aksionin e shërbimit intlegjent maqedonas që u ndërmor me dakortësimin e BDI-së për t’u shkarkuar nga hipoteka më e rëndë me të cilën këtij subjekti politik i duhej të shkonte në këto zgjedhje të jashtëzakonshme parlamentare!
E hoqën domuzin por, megjithatë, i lanë domuzçicat! E dosa nuk e braktisë aq lehtë pjellën e vet…

Leave a Reply