Sulejman Rexhepit po i ikin nga kthetrat e tij organet e BFI-së?!

Në rastin e fundit, në çastin kur mbarë bota mediale, intelektuale e të ojq-ve janë ngritur kundër gjestit kriminal të Sulejman Rexhepit, asnjë nga “organet e tij” nuk ka denjuar që t’i qëndrojë mbrapa atij apo reagim-sqarimit të tij të kotë, sepse, të gjithë “myftinjtë” e dinë arabishten, dinë të lexojnë arabisht dhe të shohin se në atë tekst sqarues ka plotë servilizëm, ka plotë krim dhe qufur

Shkruan Haxhi Isa Xhaviti

 

Një ngjarje që po trondit tri shtete në botë! Vrasja e gazetarit saudit Jamal Khashoggi tash e një javë nuk po zbret nga top lajmet e mediave përkatëse arabe, turke dhe maqedonase.
Arabia Saudite po dridhet, sepse po akuzohet “dipomacia” e saj si vrasëse dhe copëtuese e trupit të gazetarit në fjalë;
Turqia po tronditet se kjo ngjarje ka ndodhur në territorin e shtetit turk me synim që faji t’i mbetet palës turke;
Maqedonia po dridhet ngase këtë akt kriminel dhe monstruoz e ka përkrahur i vetmi njeri në botë – qytetari maqedonas Sulejman Rexhepi, uzurpatori i BFI në RM!
Fatmirësisht, ky farë qyetetari maqedonas ka kohë që luftohet dhe urrehet unanimisht prej të gjithëve dhe nuk pranohet që të përfaqësojë asnjë gisht këmbe të myslimanëve dhe jo më ndonjë qenie myslimane në vend. Kundër aktit përkrahës të këtij farë abdalli janë ngritur tërë esnafi i gazetarisë në Maqedoni, intelektualë e politikanë, madje në thumb të kritikës është vënë edhe prokuroria shtetërore e cila akoma deri në këto çaste nuk ka ngritur padi kundër këtij akti makabër me të gjitha isharetet e aktit terrorist.
Sulejman Rexhepi po mundohet të dalë nga kjo gropë muti ku është zhytur por më kot, siç ishte super i kotë dhe reagimi-sqarimi i tij se kinse ai nuk e ka përkrahur krimin kundër gazetarit saudit po ka përkrahur Mbretërinë Saudite që po konribuon në ruajtjen e dy qyteteve të shenjta, Medines dhe Mekes? Nga kush po e ruajkëkan sauditët Meken dhe Medinen. Mos di gjë Sulejman Rexhepi dhe mbarë bota nuk po e sheh se si po “u sulmuakan” këto dy qytete dhe se si po i mbrokëkan Mbreti dhe Princi saudit, të cilëve u del në përkrahje Sulejman Rexhepi? Nëse është kjo, atëherë, urgjentisht Sulejman Rexhepi duhet të niset për kurim në ndonjë pavion të psikiatrisë në Bardovcë.
Arabia Saudite, Mbreti dhe vetë Princi kanë nisur të marrin masa kundër të gjithëve që janë të involvuar në këtë akt makabër e antiislam dhe, qartë nënvizuan se derisa këta dy janë në krye të Mbretërisë Sudite si dhe Erdogani në krye të Turqisë, nuk ka forcë e shërbime që mund t’i armiqësojë Arabinë Saudite dhe Turqinë!
Po Sulejman Rexhepi çka po thotë? Po çon selame se gazetarët që e kanë dhënë në CNN në gjuhën arabe, duke e krahasuar me Al Bagdadin e ISIS-it me të cilin kanë të përbashkët orën ROLEX dhe ndjeshmërinë për të mbytur të vërtetën dhe për të zhdukur media që e proklamojnë të vërtetën, duhet të zhduken e të shuhen!
Gjesti i sauditëve dhe turqëve ka nisur të hasë në përshëndetje nga mbarë bota, kurse, gjesti i Sulejman Rexhepit po urrehet nga mbarë bota.
Sulejman Rexhepi, kohë më parë, kur u akuzua si zhvatës dhe si “institucion” që duhet të lustrohet nga shumë institucione financiare shtetërore, ai i urdhëroi të gjithë “organet e veta” (kështu ai ju thotë organeve të BFI-së, sikur këto organe të ishin koqe të tij) që të reagojnë dhe t’i shprehin përkrahje, edhe pse gati asnjëri nuk ia shprehu përkrahjen me emër dhe mbiemër. Zbatuan një urdhër diktatorial duke ia futur sa krahu!
Në rastin e fundit, në çastin kur mbarë bota mediale, intelektuale e të ojq-ve janë ngritur kundër gjestit kriminal të Sulejman Rexhepit, asnjë nga “organet e tij” nuk ka denjuar që t’i qëndrojë mbrapa atij apo reagim-sqarimit të tij të kotë, sepse, të gjithë “myftinjtë” e dinë arabishten, dinë të lexojnë arabisht dhe të shohin se në atë tekst ka plotë servilizëm, ka plotë krim dhe qufur! Prandaj, asnjë myfti nuk denjoi që të ngatërrohet me gazetarët e vendit në mbrojtje të “liderit” të tyre, i cili, ua mjelë të mirat financiare (fitrat, zeqatin etj.) dhe të njëjtat i shpenzon det më det, llixhë më lixhë, me bandën e “dinastisë Rexhepi” si dhe me bandën e fëlliqur të Mustafa Dautit e të Irsal Jakupit, soje këta të farës së “Bagdadski llopovit”! Kjo vjedhje e arkës së BFI-së nga kjo bandë prej “Treshi përsheshi” i kanë irituar të gjitha “organet” e Sulejman Rexhepit, më së shumti am-kademik Qani Nesimin, alimin e shquar “myftiun” e Resnjës si dhe alimin suprem “muftiun” e Manastirit. Myftiu i Shkupit, i ardhur nga ojq-të islame të vendit, tashmë i ka kërkuar falje institucioneve turke që gjendet në krye të një “organi” të Sulejman Rexhepit i cili i jep përkrahje publike kiminelëve që kanë vrarë gazetarin saudit Jamal Khashoggi.
Ra ky krim dhe në sipërfaqe veç tjerash na e nxori edhe Sulejman Rexhepin e vetmuar, pa kurrfarë përkrahje institucionale dhe, unanimisht të urryer, si përkrahës i kriminelëve monstër dhe i krimit. Nuk ka krim më të madh se sa ta ngulfasësh të vërtetën. Këtë e synoi edhe kësaj radhe Sulejman Rexhepi në rastin “Gazetari Jamal Khashoggi”! Këtë të vërtetë nuk mund ta vrasë Sulejman Rexhepi!

Leave a Reply

Your email address will not be published. Required fields are marked *