Përse në Shqipëri çmimet e testeve për COVID-19, janë më të shtrenjtët në rajon?!

Çmimi i testeve për Covid-19 në laboratorët privat në Shqipëri është më i larti në rajon me 12 mijë lekë ose 100 euro.

Vetëm dy laboratorë janë licensuar nga qeveria për të kryer testime. Të dy kanë filluar një fushatë agresive  marketingu në internet për të siguruar këtë shërbim, krahas testit serologjik.

Rezultatet e testit PCR, i cili kushton 100 euro, dalin nga 24 deri në 36 orë.

Në Kosovë, ka rreth 118 laboratorë privatë të licencuar për të kryer testime molekulare siç është PCR, i cili kushton rreth 65 EUR. Testi GeneXpert SARS COV-2 gjithashtu ofrohet por kushton 200 EUR pasi jep rezultate në 45 minuta . Qytetarët në Kosovë mund të zgjedhin midis 65 EUR me rezultate deri në 48 orë, ose 200 EUR me rezultate në 45 minuta, në varësi të nevojave të tyre, raporton exit.

Në Maqedoninë e Veriut, testet private të PCR kushtojnë nga 50 deri 100 euro me mesataren rreth 65 euro. Ato që kushtojnë më shtrenjtë siguron testim dhe rezultate më të shpejta.

Në Serbi, testi PCR kushton 50 EUR dhe në Bosnjë dhe Hercegovinë 70 EUR. Në Malin e Zi, testimi në laboratorë privatë nuk lejohet ende.

Megjithatë, në Shqipëri, qytetarët paguajnë 100 EUR për një test ku mund të duhen 48 orë për të marrë rezultate.

Në gusht, laboratori QSUT i cili ishte përgatitur për të kryer testimin PCR në kohë reale u mbyll. Dy javë më parë, Ministrja e Shëndetësisë Ogerta Manastirliu inspektoi laboratorin e ri dhe njoftoi se testet do të kryheshin atje, duke rritur kështu kapacitetin e testimit të Shqipërisë. Anëtarët e stafit gjithashtu ishin trajnuar në metodat e reja të testimit.

Vetëm dy javë më vonë, Manastirliu urdhëroi që laboratori të mbyllej. Vendimi u mor pas kërkesës së një koncesionari i cili kishte fituar një tender prej 95 milion eurosh për të kryer të gjitha analizat në të gjithë laboratorët në spitalet shtetërore.

Rreth 73 persona pjesë e personelit mjekësor, të trajnuar kohët e fundit në testimin COVID-19, pritet të humbasin vendet e tyre të punës./syri.net/

Leave a Reply