Një fshat i tërë u zhduk për shkak të rrëshqitjes së dheut. Ngjarja e rëndë ndodhi në fshatin Gjerdrum në Norvegji. Si pasojë, janë plagosur dhjetë persona, ndërsa për 21 të tjerë vazhdon akoma kërkimi. Rreth 500 njerëz janë evakuuar nga fshati.

“Policia po e përcakton këtë si një katastrofë. Ka raporte dramatike dhe situata është serioze”, thonë autoritetet norvegjeze.

Banorët njoftuan shërbimet e urgjencës, duke bërtitur se e gjithë shtëpia e tyre po lëvizte.

Kryeministrja Norvegjeze Erna Solberg shprehu dhimbjen dhe solidaritetin për këtë tragjedi.

“Dhimbje të shohësh se si forcat e natyrës kanë shkatërruar Gjerdrum. Mendimet e mia shkojnë për të gjithë të prekurit nga rrëshqitja e dheut.”

Autoritetet thonë se reshjet e mëdha të ditëve të fundit mund ta kenë bërë tokën të paqëndrueshme.

https://www.bbc.com/news/av/embed/p092qnjp/55484627