Trupi i pajetë i pilotit indian gjendet në Detin Arabik, aeroplani i katërt rus që dështon brenda dy viteve

Trupi pajetë i një piloti që fluturonte me një aeroplan luftarak indian u gjet në Detin Arabik.

Komandanti Nishant Singh ishte në kabinën e aeroplanit. MiG-29K kur ra në det më 26 nëntor.

Trupi i tij u gjet në shtratin e detit 70 metra nën sipërfaqe pas një kërkimi të gjatë dhe të hollësishëm, raporton reuters.

Aeroplani i prodhuar nga Rusia u ngrit nga aeroplanmbajtësi INS Vikramadity dhe u rrëzua rreth orës 5 pasdite.

Bashkë-piloti i Singh arriti të hidhej jashtë dhe u shpëtua, megjithatë, nuk kishte asnjë shenjë të Singh. Pjesë të anijes u gjetën në ditët në vijim, dhe tani trupi i pilotit fatkeq është gjetur gjithashtu.

Ishte rrëzimi i katërt i aeroplanit MiG-29K që nga janari 2018. India bleu 45 aeroplanë të tillë për dy miliardë dollarë nga shteti rus për t’i përdorur nga aeroplanmbajtësi INS Vikramadity. Ky transportues ka qenë në shërbim që nga nëntori i vitit 2013, dhe kushtoi 2.33 miliardë dollarë. 

Leave a Reply