Kaos e dhunë kundër policisë në Britani

Plagosen 20 policë, ndërhynë për të ndaluar një sherr me thika

Këto skena dhune dhe kaosi janë xhiruar në Brikston, lagjen jugore të Londrës, ku qindra të rinj u përleshën me policinë, duke lënë të plagosur të paktën 20 efektivë.

Sulmi ndaj policisë shpërtheu pasi forcat e rendit ndërhynë për të ndaluar një përleshje me thika mes dy grupeve të të rinjve, një pjesë e të cilëve emigrantë.

Grumbullimet në Londër, ashtu si në pjesën më të madhe të Europës, nuk lejohen. Kohët e fundit, Brikstoni është përfshirë edhe nga aktet e dhunës kundër policisë në protestat anti-raciste, që morën shkas nga vrasja e afro-amerikanit George Floyd.

Rastet e sulmeve kundër policisë janë shtuar në gjithë Europën. Të tilla ngjarje tronditën gjatë dy javëve të fundit edhe Shtutgartin në Gjermani e Dijon në Francë, kur grupe të rinjsh shndërruan në sulme kundër policisë e kaos, sherret mes tyre.

Leave a Reply