Medvedev në Beograd për të treguar qëndrimin e Putinit rreth Kosovës

Kryeministri i Rusisë, Dimitry Medvedev, do të vizitojë Beogradin më 20 tetor të këtij viti. Siç shkruajnë mediat serbe, ai në Serbi do të dërgojë qëndrimin e Moskës zyrtare dhe presidentit, Vladimir Putinit, sa i përket çështjes së zgjidhjes së problemit Kosovë-Serbi, transmeton Gazeta Express.

Përgjatë kësaj vizite ai do të flas në parlamentin e Serbisë, ku do të jenë të pranishëm edhe krerë të politikës serbe dhe trupa diplomatike.

Medvedev do të pritet në Serbi nga kryeministrja Ana Brnabiq, ndërkohë përgatitjet për vizitën e tij tashmë veçse kanë filluar.

Medvedev gjithashtu do të zhvillojë një takim me presidentin e Serbisë, Aleksander Vucic.

Kjo vizitë e Medvedev, vjen pas vizitës së të dërguarit të Donald Trump për dialogun Kosovë-Serbi, Richard Grenell.

Leave a Reply