Përleshje e armatosur në Kashmir

Autoritetet indiane njoftuan të dielën se dy ushtarë të saj dhe një civil janë vrarë nga përleshja e armatosur me forcat pakistaneze në rajonin e Kashmirit. Në anën tjetër, Pakistani tha se gjashtë civilë pakistanezë janë vrarë në këtë konflikt.

Tre civilë indianë u lënduan dhe disa ndërtesa e automjete u shkatërruan për shkak të luftimeve të ashpra në rajonin Tanghdar, i cili shtrihet në pjesën veriore të Kashmirit. Një zyrtar i lartë policor tha se konflikti i armatosur ndodhi gjatë orëve të vona të së shtunës.

Tensionet mes dy vendeve janë rritur në muajt e fundit që nga vendimi i Indisë për t’ia hequr statusin e veçantë autonom rajonit të Kashmirit dhe dërgimit të ushtrisë në këtë rajon më 5 gusht.

Leave a Reply