Kryetari i PD, Lulzim Basha u ka dërguar një mesazh komisionerëve demokratë, të cilëve u ka shprehur mirënjohjen për punën e kryer në kushte të vështira.
Në mesazhin e tij, Basha u bën thirrje komisionerëve që të tregojnë të njëjtin vullnet deri në fund të procesit të numërimit.
“Të dashur komisionerë, numërues dhe vëzhgues të PD, numërimi i votave vazhdon në kushte të vështira për ju, të orëve të gjata, të vapës dhe nën presionin e kundërshtarëve. Secili prej jush ka mirënjohjen më të thellë dhe mbështetjen totale të demokratëve dhe timen për të garantuar numërimin deri në fund të çdo vote. Mos lejoni asnjë deformim, asnjë tjetërsim të vullnetit. Çdo votë vlen, çdo votë duhet numëruar, çdo votë duhet llogaritur deri në fund. Për demokratët dhe të gjithë qytetarët e ndershëm të këtij vendi, ju jeni shembulli më i lartë i kurajos politike dhe qytetare”, thotë Basha.
