Policia e shtetit ka sekuestruar 1,5 milionë euro llogari banke, të dyshuara se janë përfituar nga burime të paligjshme.

Sekuestrimi i pasurisë është bërë në kuadër të operacionit të koduar “Investimi”, ku bëhet me dije se ishin para që rezultonin në llogarinë bankare të një shtetasi, ish – punonjës i administratës shtetërore.

Sipas policisë ky shtetas në vitet 2006 – 2011 ka mbajtur funksione zyrtare në Agjencinë e Legalizimit, Urbanizimit dhe Integrimit të Zonave Urbane, I cili përmes një banke private, ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat.

Ndërkohë për arsye hetimi nuk bëhet i ditur identiteti i të dyshuarit.