Paraditen e se martës, ne 8 dhjetor, opozita do te zbresë ne shesh per te protestuar kundër qeverise Rama. Përgjatë gjithë ditës se sotme ne selinë e PD, lideri i opozitës Lulzim Basha, ka zhvilluar takime me strukturat e partisë, per te përgatitur detajet e fundit te kësaj proteste. Marshimi i demokrateve per rrëzimin e qeverise, do te nise ne orën 11:00 ne sheshin “Skenderbej”, per t’u pozicionuar me pas para selisë se kryeministrisë. Është konceptuar qe kjo proteste te zgjasë rreth 3 ore dhe ne podium pritet te ngjiten qytetare te zhgënjyer nga koalicioni i majte, persona qe kane marre pjese ne lëvizjen studentore te 8 dhjetorit ’90, figura te rëndësishme te Partisë Demokratike, ndërkohe qe peshën kryesore te mesazhit te opozitës, do ta mbaje kryetari i PD Lulzim Basha. Ashtu siç ka ndodhur ne 2 vitet e fundit, ne çdo proteste ish-kryetari i PD Sali Berisha, nuk do te mbaje fjalim para protestuesve. Përgjatë ditëve te fundit, kryetari i PD Basha, ka sqaruar se kjo proteste shënon fillimin e nje përballje pa kthim me qeverinë, duke theksuar se zgjidhja per situatën ku ndodhet vendi është krijimi i nje qeverie teknike qe te çoje Shqipërinë ne zgjedhje te parakohshme.