Donald Trump sjelli Elon Musk në Butler, Pennsylvania, vendi ku ai shpëtoi nga një tentativë vrasjeje në korrik. Gjatë mitingut, Musk diskutoi mbështetjen e tij për ish-presidentin, opinionin e tij mbi ligjet e identitetit të votuesve dhe shumë më tepër.

“Eh, së pari, dua të them sa nder është të jem këtu,” filloi Musk fjalimin e tij. “Dhe e dini, prova e vërtetë e karakterit të dikujt është si sillet nën presion. Kishim një president që nuk mund të ngjiste shkallët, dhe një tjetër që po e bënte ‘fist pump’ pas një plumbi.” Më pas, ai udhëhoqi turmën në një thirrje “Lufto! Lufto! Lufto!” dhe diskutoi rëndësinë e zgjedhjeve. “Po, absolutisht. Dhe mendoj se kjo, kjo, kjo zgjedhje, është zgjedhja më e rëndësishme e jetës sonë, kjo nuk është — kjo nuk është një zgjedhje e zakonshme,” tha ai.