Është ndarë nga jeta në moshën 100 vjeçare Presidenti i 39-të i Shteteve të Bashkuara të Amerikës, Jimmy Carter.

Ish fermeri i kikirikut jetoi më gjatë se çdo president në histori dhe pati martesën më të gjatë 77 vjet me Rosalynn, e cila vdiq në nëntor.

Demokrati shërbeu si president nga viti 1977 deri në 1981, një periudhë e përfshirë nga krizat ekonomike dhe diplomatike.

Pasi u largua nga Shtëpia e Bardhë me vlerësime të ulëta të pëlqimit, reputacioni i tij u rikthye përmes punës humanitare që i dha atij Çmimin Nobel për Paqe.