Shefja e Zyrës së Bashkimit Evropian në Kosovë, Nataliya Apostolova, tha se prioritetet e Kosovës në muajt në vazhdim duhet të jenë në sistemin e drejtësisë dhe reformat në arsim.
Këtë deklaratë, Apostolova e bëri gjatë takimit të Forumit të Lartë të organizuar nga Ministria e Integrimit Evropian, shkruan Arbresh.info.
“Ne jemi të interesuar për të mbështetur sistemin e drejtësisë në Kosovë. Qeveria ka bërë shumë në zbatimin e plotë të ligjit, në luftimin e korrupsionit dhe krimit të organizuar. Këto do t’i çojë në raportin e vitit 2018”, ka thënë ajo.
Apostolova ka shtuar se sa i përket shkarkimit të zyrtarëve që shkelin ligjin do të kërkohet një përshpejtim në këtë drejtim, në mënyrë që të veprohet kundër tyre.
Ajo ka kërkuar lehtësim në punët e gjyqësorit dhe prokurorisë.
Shefja e BE-së, po ashtu, ka kërkuar më shumë punë në sektorin e arsimit.
