Themeluesi i WikiLeaks, Julian Assange, i cili po vuan dënimin në një burg të Britanisë së Madhe, ka filluar të shkruajë shënime për të dashurit e tij se do t’i japë fund jetës.
Një profesor i neuropsikiatrisë në King’s College në Londër, Michael Kopelman deklaroi se ekzistonte rreziku që ai do të ishte gati të vriste veten nëse ekstradohej në Shtetet e Bashkuara, ku përballet me 175 vjet burg për akuzat e spiunazhit.
“Ai filloi të shkruante letra lamtumire për anëtarët e familjes dhe miqtë e ngushtë. Ai ka përpiluar edhe një testament”
Psikiatri i tij, Kopelman, tha se ish-hakeri 49-vjeçar ka “depresion të rëndë” dhe “simptoma psikotike”.
Assange i ka thënë psikiatrit se dëgjon zëra që i thoshin “ju jeni pluhur, ju keni vdekur, ne do të vijmë t’ju marrim”.
