Franca ka “rekomanduar fuqimisht” që çdo shtetas i saj aktualisht në Rusi të largohet “pa vonesë” nga ky vend. Kjo vjen pasi Bashkimi Europian njoftoi se po mbyllte të gjithë hapësirën ajrore për avionët rusë.
Në një deklaratë në faqen e internetit të Ministrisë Franceze për Evropën dhe Punët e Jashtme thuhet: “Për shkak të kufizimeve në rritje në trafikun ajror midis Rusisë dhe Europës, rekomandohet fuqimisht që francezët që kalojnë nëpër Rusi (turistët, vizitorët, studentët, profesionistët në mision) të marrin masa për t’u larguar nga vendi pa vonesë me linjat ajrore ekzistuese.”
Po ashtu, francezët këshillohen që të shtyjnë çdo udhëtim të planifikuar në Rusi.
