U zhdukën në Lituani, 1 tjetër ende në kërkim

Pas disa ditësh kërkime intensive, u gjetën trupat e pajetë të 3 prej 4 ushtarëve amerikanë të zhdukur prej javës së kaluar gjatë një stërvitjeje. Ekipet e shpëtimit arritën të nxjerrin automjetin e blinduar prej një moçali.

“3 ushtarë amerikanë janë gjetur të vdekur në Lituani”, tha përmes një komunikate komanda e ushtrisë amerikane për Europën dhe Afrikën. “Operacionet e kërkim shpëtimit vazhdojnë për gjetjen e ushtarit të 4-ërt”, shton deklarata.

Ndërsa identitetet e viktimave nuk do të bëhen publike derisa të njoftohen familjarët dhe të merret konfirmimi i tyre. Ndërsa vijon operacioni për të gjetur edhe pjesëtarin e 4-ërt që ka qenë në autoblindën e modelit, M88 Hercules. Autoritetet vendore u alarmuan të Martën e kaluar se ushtarët janë zhdukur gjatë stërvitjeve ushtarake në një qendër trajnimi pranë qytetit lindor Pabrade, afër kufirit me Bjellorusinë.

Në Lituani, një vend anëtar i NATO-s dhe i BE-së, ndodhen të dislokuara 1.000 trupave amerikane.