Gjermania do të zgjasë masat kufizuese  per parandalimin e përhapjes së koronavirusit, deri me date 10 janar. Kancelarja Angela Merkel dhe kryeministrat e landeve morën këtë vendim pasi sipas tyre  numri i te infektuarve ditorë dhe viktimave eshte ende shum i larte.

“Parimisht gjendja mbetet siç është tani.  Më 4 janar se bashku me kryeministrat e landeve do të konsultohemi sërish, për të gjykuar mbi hapat e mëtejshëm. Qëllimi i këtyre masave është, që të ulet numri it ë infektuarve ditore nën 50 për 100.000 banorë, në përgjithësi jemi ende larg kësaj norme”, tha Merkel.

Ndërkohë, kancelarja gjermane siguroi se vaksinimi kunder Covid-19 mund të fillojë nga fundi i dhjetorit.

“Federata dhe landet duan të përgatiten për fillimin e shpejtë të vaksinave ndaj koronavirusit. Licencimet e para të vaksinave në BE mund të fillojnë në fund të dhjetorit. Ndaj është e rëndësishme, që përgatitjet të vazhdojnë në shkallë të gjerë. Në lande po bëhen pëpjekje të mëdha për krijimin e qendrave përkatëse të vaksinimit.”

Të detyruar nga situata e krijuar nga pandemia, edhe Greqia ka njoftuar se masat shtrënguese mund të zgjaten përtej datës 7 dhjetor.

Sipas autoriteteve greke, kufizimet do te fillojne te lehtesohen vetem kur numri i të sheruarve do te jete me i larte se sa numri i te shtruarve ne qendrat shendetesore.