13 persona, përfshirë 4 fëmijë, u plagosën nga rrufeja që dje goditi një kopsht zoologjik në Francën jugore.

Dy nga të plagosurit u goditën nga rrufeja në parkun zoologjik La Barben, pranë Aix-en-Provence.

Forca të shumta zjarrfikëse shkuan menjëherë ne vendin e ngjarjes. Incidenti ndodhi pak para orës 3:00 të pasdites, sipas orës lokale, në një kohë kur një pjesë e madhe e Francës është vendosur në alarm të verdhë për stuhi.

I hapur në vitin 1971, Kopshti Zoologjik La Barben është shtëpia e 700 kafshëve nga më shumë se 130 specie të ndryshme.