Zëdhënësi i Ministrisë së Jashtme të Izraelit, Lior Haiat, ka thënë se Spanja, Malta, Sllovenia dhe Irlanda po ofrojnë “një shpërblim për terrorizmin” me një deklaratë të përbashkët për gatishmërinë e tyre për të njohur një shtet palestinez.

Në një deklaratë të lëshuar të premten, të katër vendet kishin thënë:

“Ne jemi dakord që mënyra e vetme për të arritur paqen dhe stabilitetin e qëndrueshëm në rajon është përmes zbatimit të një zgjidhjeje me dy shtete, me shtetet izraelite dhe palestineze që jetojnë krah për krah, në paqe dhe siguri. Ne diskutuam së bashku gatishmërinë tonë për të njohur Palestinën dhe thamë se do ta bëjmë këtë kur ajo mund të japë një kontribut pozitiv dhe rrethanat janë të përshtatshme”, shkruan The Guardian.