9 të vrarë, mes tyre edhe fëmijë. Gjenden trupat e 15 punonjësve shëndetësorë

Forcat izraelite vijuan sulmet ndaj palestinezëve në ditën e dytë të Fitër Bajramit në Gaza, duke vrarë të paktën nëntë persona, mes të cilëve shumë fëmijë.

Shoqata e Gjysmëhënës së Kuqe të Palestinës (PRCS) ka bërë të ditur se gjeti trupat e 15 punonjësve mjekësorë të cilët u sulmuan nga forcat izraelite ndërsa përpiqeshin të arrinin tek njerëzit e plagosur javën e kaluar në Rafah të Gazës jugore. Ajo ka bërë thirrje për një hetim mbi sulmin vdekjeprurës izraelit, të cilin e quajti një krim lufte.

Në një postim në X, punonjësi i OKB-së përshkroi se kishte parë forcat izraelite të gjuanin mbi civilët që po largoheshin ndërsa ai dhe të tjerët udhëtonin në jug të Gazës për të kërkuar mjekët e zhdukur që forcat izraelite vranë në Rafah.

Sipas Shoqatës së Gjysmëhënës së Kuqe të Palestinës, që nga fillimi i luftës në Gaza, të paktën 27 punonjës janë vrarë nga forcat izraelite. Ndërkaq, sulmet amerikane në Jemen vranë të paktën një person pranë Sanaa dhe shkatërruan një xhami dhe shtëpi në provincën Saada, sipas mediave jemenase.