“Jemi në luftë” shprehet ministri libanez i Shëndetësisë, pasi gati gjysmë milioni njerëz janë zhvendosur për shkak të sulmeve të Izraelit.

Në një intervistë për mediat britanike, Dr Firass Abiad tha se Izraeli po synonte të krijonte një “gjendje paniku dhe terrori” midis civilëve libanezë dhe të “provokonte një eksod masiv”. Më tej ai tha se më shumë se 700 njerëz janë vrarë nga sulmet e fundit izraelite dhe numri i banorëve të zhvendosur vlerësohet të jetë afër 500,000.

“Ne jemi tashmë në luftë – kjo nuk është vetëm një përshkallëzim, ne jemi tashmë në luftë. Në strehimore, është raportuar se kemi pothuajse 50,000. Nëse Izraeli përdor këto bomba për të shënjestruar zonat civile, siç kanë bërë, shifrat do të jenë edhe më katastrofike sesa ajo që shohim tani”.