Kancelari gjerman Olaf Scholz do të takohet së shpejti me Presidentin rus Vladimir Putin në Moskë.

“Kjo është planifikuar dhe do të ndodhë së shpejti“, i tha Scholz transmetuesit publik “ZDF” pa dhënë detaje për një datë të saktë.

Kancelari gjerman tha se Presidenti rus mund të jetë i gatshëm të pushtojë fqinjin e tij. “Nuk mund të anashkalohet fakti që ka shumë ushtarë dhe trupa në kufirin ukrainas. E gjithë kjo mund të çojë në veprime ushtarake”, tha Scholz.

Gjatë intervistës Scholz iu përgjigj kritikëve se Gjermania është një partner jo të besueshëm duke deklaruar se vendi i tij ka ofruar një ndihmë financiare prej gati 2 miliardë Euro për Ukrainën gjatë viteve të fundit dhe se po jep “një kontribut shumë të lartë ushtarak” në NATO.

Scholz sqaroi se qeveria e tij po ndjek  një strategji të dyfishtë,duke kërcënuar Rusinë me sanksione nëse pushton Ukrainën dhe gjetjen e një zgjidhjeje përmes bisedimeve. Ndërsa përçarjet janë shfaqur brenda Partisë së tij Social Demokratike për mënyrën se si po trajtohet kriza në Ukrainë, Scholz këmbënguli se partia e tij është “shumë e bashkuar”.

Scholz pritet të vizitojë Uashingtonin ku ai do të bisedojë me Presidentin e SHBA, Joe Biden më 7 Shkurt për të diskutuar tensionet midis Rusisë dhe Ukrainës.