Ai është Izmir Bushaj, 26 vjeç, banues në Kullaj dhe me detyrë doganier në doganën e Vermoshit. Bashkë me dy persona të tjerë, Xhyher dhe Gëzim Bushaj u kapën në makinë me një shumë parashë dhe një listë votuesish.

Ndonëse policia nuk jep detaje se cilit subjekt politik i përket zyrtari i doganës së Vermoshit, nga një hulumtim i thjeshtë në rrjetet sociale rezulton se i riu është mbështetës i LSI-së.

Në profilin e tij Bushaj poston vazhdimisht foto dhe mesazhe propagandistike për LSI-në, siç duket edhe në këto foto.

Ai u kap në fshatin Kullaj dhe Ura e Mesit me një automjet tip Hunday me targa AA 797 MK . Pasi u bë kontrolli i automjetit tip Hunday u konstatuan në një çantë të zezë një listë votuesish dhe sasi e konsiderueshme parash ku rezultuan 48 copë kartmonedha me prerje 2000 lekëshe, të destinuara për ti shperndarë me qëllim blerjen e votës.

Gjithashtu gjatë kontrollit fizik të shtetasit Xh. B. I cili ishte pasagjer në mjetin e lartpërmendur, iu gjetën 3 kartmonedha me prerje 2000 lekëshe.

Materialet do ti referohen Prokurorisë se Rrethit Gjyqësor Shkodër për veprat penale “Korrupsioni aktiv në zgjedhje” e “Korrupsioni pasiv në zgjedhje” të parashikuara nga nenet 328/a/b i Kodit Penal.

 I