Kryetari i Lëvizjes Vetëvendosje, Albin Kurti, përmes një letre dërguar kryetarit të Kuvendit të Kosovës, Glauk Konjufca, ka kërkuar që seanca për votimin e Qeverisë të mbahet me datën 3 shkurt.

Në letrën e Kurtit kërkohet që seanca të mbahet në ora 11:00.

Lidhur me kërkesën e Kurtit, Kryesia e Kuvendit të Kosovës nesër do të mbajë një mbledhje duke filluar nga ora 09:00.

Theksojmë se LVV dhe LDK ende nuk kanë arritur të bëjnë koalicion për formimin e Qeverisë, së fundmi këto dy parti kanë zhvilluar takim së bashku me ambasadorët e QUINT-it, mirëpo as ai takim nuk ka dhënë rezultate.

Ndryshe, mandatari Albin Kurti, ka takuar sot gjatë ditës edhe përfaqësuesit e minoriteteve në Kuvend, prej të cilëve ka kërkuar mbështetje për Qeverinë në ardhje.