Rusia po planifikon krijimin e një zone neutrale, për të marrë nën kontroll territoret që aktualisht menaxhohen nga Ukraina. Ky ka qenë paralajmërimi i Dmitry Peskov, i cili në një komunikim me gazetarët deklaroi se Rusia dhe do të marrë të gjitha masat për të mbrojtur infrastrukturën dhe shtëpitë e tyre nga bombardimet që vijnë nga Ukraina.
“Kjo mund të sigurohet vetëm duke krijuar një lloj zone neutrale në mënyrë që çdo mjet që përdor armiku për të na goditur të jetë jashtë rrezes”, tha Peskov.
Putin nuk përjashtoi krijimin e zonës së përshtatshme në territorin e kontrolluar aktualisht nga Ukraina. Megjithatë, ai nuk dha detaje të tjera, por vuri në dukje se duhet të jetë mjaft i madh në mënyrë që sistemet e huaja të armëve të mos mund të godasin territorin rus.
Megjithatë, Mykhailo Podoliak, një këshilltar i Volodymyr Zelensky , komentoi për Reuters se krijimi i një zone neutrale brenda territorit ukrainas është një tregues i qartë se Moska planifikon të përshkallëzojë luftën.
“Kjo është një deklaratë e qartë, e pagabueshme se lufta do të përshkallëzohet,” tha Podoliak , duke shtuar: “E gjithë kjo është dëshmi e qartë se Federata Ruse nuk është gati të hyjë në marrëdhënie moderne, sociale dhe politike, duke marrë parasysh parasysh të drejtat sovrane të vendeve të tjera”.
Ukraina ka thënë se po përdor armët e veta për të goditur objektivat brenda territorit rus . Disa nga aleatët e saj, si SHBA-ja, i japin asaj armatim me kusht që të mos përdoret brenda Rusisë.
Nëse Perëndimi dëshiron të flasë për zgjedhje të paligjshme ruse, kjo do të nënkuptonte se 87% e votave në favor të Putinit ishin të paligjshme, gjë që, sipas Peskov, do të ishte “qesharake”.
Kur u pyet për thirrjet e aktivistëve të opozitës ruse për shpalljen e zgjedhjeve të paligjshme, Peskov u përgjigj se njerëz si Yulia Navalnaya, e veja e disidentit Alexei Navalny, kanë humbur lidhjet me Rusinë.
“Ka shumë njerëz që i kanë shkëputur tërësisht lidhjet me vendlindjen. Julia Navalnaya që përmendët po lëviz gjithnjë e më shumë në këtë drejtim”, tha ai.
