Përleshjet brenda burgut më të madh të Ekuadorit që ndodhën të shtunën lanë të paktën 52 të burgosur të vdekur, derisa vlerësohet të jetë dhuna e fundit që goditi burgun Litoral.

Sipas medieve të huaja, përcjell Telegrafi, banorët që jetonin pranë burgut në qytetin bregdetar të Guayaquil raportuan se dëgjuan orë të tëra të shtëna me armë zjarri dhe shpërthime që vinin nga brenda burgut.

Një raport i policisë i parë nga Associated Press tha se 10 të burgosur u plagosën gjithashtu dhe u sekuestruan eksplozivë dhe armë.

Videot që qarkullojnë në mediat sociale që pretendohet se dokumentojnë incidentin brenda këtij burgu, tregonin trupa, disa të djegur, të shtrirë në tokë.