Rusia dëboi diplomatët nga Gjermania, Polonia dhe Suedia pse morën pjesë në protestat pro Alexey Navalnyt.

Ministria e Jashtme ruse njoftoi të premten se vendimi është marrë pas bisedimeve midis ministrit të Jashtëm rus, Sergei Lavrov dhe Përfaqësuesit të Lartë të BE, Josep Borrell.

Ky i fundit pati vizitën e parë në Moskë. Menjëherë sapo doli vendimi i Rusisë, Ministria e Jashtme suedeze konfirmoi se diplomati i tyre është dëbuar.

Teksa mediat shkruajnë se diplomati suedez ka marrë pjesë në një tubim më 23 janar, zëdhënësja e Ministrisë së Jashtme ruse Maria Zakharova tha se këto janë veprime të pakoordinuara. Ajo theksoi se Moska do të merret me çdo rast të tillë.