Doganierët gjermanë kanë gjetur më shumë se 16 tonelata kokainë të fshehura në kontejnerë që kishin mbërritur nga Hamburg nga Paraguai, kanë njoftuar sot autoritetet gjermane.

Sipas të dhënave të shërbimit doganor të Hamburgut, fjala është për sasinë më të madhe të kokainës që ndonjëherë është sekuestruar në Evropë dhe një nga sekuestrimet më të mëdha në botë, transmeton Telegrafi.

Droga është gjetur gjatë kontrollimit të pesë kontejnerëve nga Paraguai, që doganierët evropianë i kanë cilësuar si të dyshimta gjatë analizimit të rrezikut.

Doganierët kanë gjetur kokainë të fshehur në më shumë se 1.700 kanaçe. E autoritetet gjermane dhe holandeze gjatë ditëve të fundit kanë kryer hetime të detajuara, duke sekuestruar edhe 7.2 tonelata tjera kokainë që u kapën në portin belg Antverpen.

Shërbimi doganor në Hamburg ka njoftuar se kjo sasi e kokainës së konfiskuar në total ishte 23 tonelata, që nëpër rrugë mund të shihet për mbi një miliard euro. /Telegrafi/