Një person hapi zjarr të premten në një dyqan ushqimor në Arkansas. Si pasojë tre persona mbetën të vrarë dhe dhjetë të tjerë u plagosën, thanë autoritetet.

Mes të plagosurve janë dy oficerë të zbatimit të ligjit, të cilët shkëmbyen zjarr dhe qëlluan të dyshuarin, tha policia e shtetit.

Ngjarja ndodhi rreth orës 11:30 të mëngjesit në dyqanin ushqimor Mad Butcher në Fordyce.

“Është tragjike, zemrat tona janë thyer,” u tha gazetarëve të premten kolonel Mike Hagar, drejtor i Policisë së Shtetit të Arkansas dhe sekretar i sigurisë publike.

Policia e identifikoi autorin e dyshuar si 44-vjeçarin Travis Eugene Posey nga New Edinburg. Ai u dërgua në burg dhe u akuzua për tre akuza për vrasje.