Partia e Socialistëve Evropianë (PES) ka zgjedhur Nicolas Schmit si kandidatin kryesor për zgjedhjet e BE-së mes shqetësimeve për një rritje të së djathtës ekstreme.

Schmit, komisioneri aktual evropian për punë dhe të drejtat sociale, mori mandatin me aklamacion të shtunën pasdite në fund të kongresit të partisë në Romë. Politikani 70-vjeçar nga Luksemburgu udhëhoqi garën e brendshme të pakontestueshme, pasi ai ishte i vetmi emër i paraqitur, shkruan euronews.

“Ne nuk do të lejojmë që Evropa të marrë rrugën e kursimeve dhe represionit social siç bëri gjatë krizës financiare. Ky është argumenti kryesor, kjo është arsyeja pse ne duam t’i fitojmë këto zgjedhje, së bashku, në të 27 vendet anëtare,” tha Schmit.

“Dua që votuesit të dinë se socialdemokratët do të vazhdojnë të luftojnë për të gjithë qytetarët dhe do të respektojnë angazhimet dhe premtimet e tyre.”