Ministri i Punëve të Brendshme, Oliver Spasovski në konferencën e sotme për shtyp njoftoi se autobusi i aksidentuar në Bullgari është prodhuar në vitin 2007, përcjell TV21. Spasovski tha se autobusi në fjalë gjatë vitit 2020 në 22 raste ka kryer hyrje-dalje nga shteti ndërsa në vitin 2021 ka kryer 130 hyrje-dalje nga shteti.

“Për herë të parë është regjistruar në Shkup me datë 15.10.2020 nën pronësi të kompanisë “Besa Trans BTB-Shkup”, kontrolli i fundit teknik është bërë 05.10.2021, ndërsa sipas rezultateve nuk ka pasur parregullsi”, deklaroi mes tjerash Spasovski.