Katër persona, përfshirë një oficer policie 28-vjeçar, u plagosën pas një sulmi me armë mëngjesin e sotmën në Sydney, bëri me dije policia.

Një 58-vjeçar që u largua nga vendi i ngjarjes u arrestua, shtoi policia në një deklaratë, duke vënë në dukje se askush nuk u vra gjatë sulmit.

Sulmuesi “ishte i armatosur me një objekt të mprehtë”, tha inspektori i policisë në një konferencë për shtyp në televizion.

Pamjet ajrore të skenës nga Australian Broadcasting Corp treguan dy makina të përplasura dhe policia kishte rrethuar zonën.

Në Sidney, një qytet me 5 milionë banorë, janë regjistruar një sërë sulmesh me thikë këtë vit, duke bërë që qeveria e Uellsit të Ri Jugor të forcojë ligjin.

Në prill, gjashtë persona u vranë dhe 12 u plagosën në një sulm me thikë në një qendër tregtare në lagjen Bondi të Sydneyt.