Teksa Donald Trump pozoi për foto me zjarrfikësit të mërkurën, një nga disa ndalesa për të përkujtuar përvjetorin e sulmit terrorist të 11 shtatorit 2001 në Shtetet e Bashkuara, një grup i vogël i rrethit të brendshëm të ish-presidentit shikonte nga jashtë Engine Company, në New York.
Grupi përfshinte dy individët më të fuqishëm në orbitën e Trump, bashkë-menaxherët e tij të fushatës Chris LaCivita dhe Susie Wiles. Pranë tyre qëndronte një figurë tjetër, ndikimi i së cilës me kandidatin republikan gjithashtu nuk mund të përjashtohet, provokatorja e ekstremit të djathtë Laura Loomer, shkruan CNN.
Nga të gjitha ditët për të llogaritur Loomer si shoqërues udhëtimi, 11 shtatori ishte i dukshëm. Vitin e kaluar, ajo postoi një video në mediat sociale duke pretenduar se sulmi në kullat e Qendrës Botërore të Tregtisë ishte një “punë e brendshme”, një teori konspirative e palogjikshme por e përhapur që vazhdon të ndjekë familjet e viktimave dhe të mbijetuarve.
Postimet e saj anti-muslimane në mediat sociale përfundimisht i dhanë asaj një ndalim nga “Twitter” tashmë “X”që zgjati derisa miliarderi Elon Musk bleu faqen e internetit, tani të njohur si X, dhe rivendosi llogarinë e saj.
E pyetur pse Loomer iu bashkua Trump për udhëtimet e tij në Ditën e Patriotit në New York dhe më pas në Pensilvani, një zyrtar i fushatës nuk pranoi t’i drejtohej drejtpërdrejt pranisë së saj dhe në vend të kësaj u fokusua në paraqitjen dypartiake me zëvendës Presidentin Kamala Harris dhe presidentin Joe Biden.
“Dita nuk kishte të bënte me askënd tjetër përveç shpirtrave që nuk janë më me ne, familjeve të tyre dhe heronjve që me guxim u ngritën për të shpëtuar amerikanët e tyre në atë ditë fatale”, tha zyrtari.
Loomer, në një intervistë telefonike me CNN, tha: “Unë nuk e kuptoj se çfarë është çështja që unë shkoj në një memorial të 11 shtatorit. Në fakt, njerëzit që përshëndetën Presidentin Trump në memorial, ishin shumë të lumtur që më panë dhe më thanë: ‘Faleminderit që erdhët!’
Unë kurrë nuk e kam mohuar faktin që terroristët islamikë kryen sulmet terroriste të 11 shtatorit. Në fakt, media më quajnë anti-musliman pikërisht për arsyen se harxhoj kaq shumë kohë duke u fokusuar duke folur për kërcënimet e terrorizmit islamik në Amerikë”.
Afërsia e Loomer të mërkurën ishte ilustruese e ndikimit të saj me Trump së fundmi. Ajo e di numrin e tij personal dhe e ka përdorur atë, tha një burim i njohur me marrëdhënien për CNN.
Disa njerëz të afërt me ish-presidentin thonë se Loomer ka kontribuar në disa nga teoritë e pahijshme të konspiracionit që Trump ka ngritur që kur Harris zëvendësoi Biden në biletë, një ndryshim që e ka lënë kandidatin e GOP gjithnjë e më të shqetësuar nga peizazhi politik me të cilin përballet tani./ CNN
