Një person u vra mbrëmjen e së premtes në qytetin e Durrësit dhe dy të tjerë mbetën të plagosur pas një sherri të çastit në mjediset e një lokali.

Policia thotë se ndërroi jetë në spital 39-vjeçari Armando Baboçi i cili bashkë me të birin Erald Gjini 19 vjeç u plagosën në lagjen Nr.13.

Policia që shkoi në vendin e ngjarjes tha se në një konflikt të çastit fillimisht u përdoren mjete të forta dhe shkopinj bejsbolli, e më pas armë zjarri, ku u përfshinë disa persona.

Në spital i plagosur mbërriti edhe autori i dyshuar Erik Totozi, i cili me pas është transportuar në spitalin e traumës në Tiranë.  Ndërkaq në polici u shoqëruan 6 shtetas, të përfshirë në sherrin që la 1 të vdekur dhe dy të plagosur.