Presidenti ukrainas Volodimir Zelenski thotë se nëse Ukraina nuk merr ndihmën e premtuar ushtarake nga SHBA, forcat e saj do të duhet të tërhiqen “me hapa të vegjël”.

“Nëse nuk kemi mbështetje të SHBA-së, do të thotë se ne nuk kemi mbrojtje ajrore, nuk kemi raketa Patriot, nuk kemi predha artilerie. Do të thotë se do të tërhiqemi, hap pas hapi, me hapa të vegjël. Ne po përpiqemi të gjejmë një mënyrë për të mos u tërhequr”, tha ai.

Xho Bajden i ka kërkuar Dhomës së Përfaqësuesve të kontrolluar nga republikanët të miratojë paketën e ndihmës ushtarake dhe financiare, por Kryetari i Dhomës së Përfaqësuesve e ka mbajtur këtë çështje për muaj të tërë, duke përmendur prioritetet e brendshme. Zelenski i tha presidentit amerikan në një bisedë telefonike ditë më parë se miratimi i paketës ishte jetik.