Autoritetet gjetën kafshë të vdekur dhe të dehidruara në një pellg të tharë pranë “Alice Springs”.

Kjo vjen në mes të nxehtësisë rekord, me temperatura që godasin 49.5C në veri të Adelaide në Australinë e Jugut.

Deri në një milion peshq janë gjetur gjithashtu të vdekur përgjatë brigjeve të lumenjve në shtetin e prekur nga thatësira.
Si po i bëjnë ballë njerëzit?

Autoritetet shëndetësore të Australisë së Jugut thanë se 44 persona kishin ardhur në trajtim në një hapësirë prej 24 orëve, për shkak të temperaturave ekstreme.
Zyrtarët në mbarë vendin kanë lëshuar paralajmërime shëndetësore duke u bërë thirrje njerëzve të qëndrojnë brenda dhe të minimizojnë aktivitetin fizik, me shqetësime të larta për të moshuarit, të sëmurët kronikë dhe fëmijët.