(Lidhur me shkrimin e autorit pa identitet të 7 qershorit “Urrejtja psikopatike” të botuar në Zhurnal, dhe tjetrin kolektivist – që karpuz-shalqinjtë një herë i përfshiu e më pas i fshiu – të Shërbimit për informim të BFI-së, “Narcisoidi i padefinuar”, i 8 qershorit në Zhurnal e Almakos!)

I nderuari lexues! Thelbi im etik, terbija familjare, sedra akademike, konstrukti mental dhe kultura shkrimore nuk më lejojnë që të polemizoj e të bëj debat-dialogji me entitetet e sipërpërmendura që përdorin një gjuhë denigruese, që trademark e kanë banalitetin dhe sharje-fyerjen, andaj zgjedh kursin tim të çdoditshëm të lexim-shkrimit racional. Për momentin jam me Havelin, “Pushteti i të papushtetshmëve”, HSS, Tiranë, 2009, që dje ma dhuroi një student imi i masterit në Çaj Bahçe, pranë Shkumbinit piktoresk.