Arrestohet drejtori i tatimeve te Tiranës per akuzat e shpërdorimit te detyrës dhe korrupsionit. Blutë e kryeqytetit i kane vene prangat pasditen e se enjtes 40 vjeçarit Androkli Kokthi. Hetimi i njësisë antikorrupsion te Prokurorisë ka faktuar abuzimet e Kokthit dhe agjentet e krimit ekonomik kane ekzekutuar urdhearrestin per arrestimin e tij. Me pranga ne duar Kothi është dërguar ne Drejtorinë e Policisë se kryeqytetit. Hetimet kishin nisur disa muaj me pare. Burime nga Prokuroria bëjnë me dije se ai kishte sekuestruar mallin e një biznesi me vlere 100 mije euro. Por me vone e kishte zhbllokuar, duke mos respektuar procedurat. Sipas hetuesve ky veprim është bere kundrejt përfitimeve te shumave te mëdha te parave. Por ky nuk është rasti i vetëm. Referuar te njëjtave burime nga organi i akuzës mësohet se po hetohet edhe për biznese te tjera, te cilave mund t’u jete kthyer malli mbrapsht ne shkelje te ligjit. Nga ana tjetër po verifikohen vendimet e marra prej tij gjate ushtrimit te detyrës, ndërsa po hetohet per te pare nëse ka pasur ose jo punonjës te tjerë te tatimeve qe kane bashkëpunuar me te. Drejtori i Drejtorisë Rajonale te Tiranës është denoncuar pak kohe me pare edhe nga një vartës i tij per abuzime. 40 vjeçari Androkli Kokthi ishte emëruar ne kete post qe nga janari i vitit 2014, ndërsa me pare ka mbajtur detyra te rëndësishme edhe ne Bashkinë e Tiranës.