Austria në “frenim emergjent”, hyn sot në bllokim të ri mbarëkombëtar për shkak të coronavirusit

Austria ka hyrë të martën në një bllokim të ri mbarëkombëtar, në përpjekje për të parandaluar përhapjen e mëtejshme të coronavirusit.

Izolimi pritet të zgjasë deri të paktën më 6 dhjetor.

Bazuar në vendimin e ri, shkollat dhe të gjitha dyqanet jo-thelbësore do të mbyllen, derisa njerëzit mund të dalin vetëm për qëllime specifike sikurse për blerjen e pajisjeve të domosdoshme, për stërvitje, si dhe nëse duhet të udhëtojnë për punë.

Me më shumë se 1,000 raste për 100 mijë banorë, Austria aktualisht ka një nga nivelet më të këqija të rasteve në Evropë.

Ministri i Shëndetësisë, Rudolf Anschober, e përshkroi bllokimin si një “frenim emergjent”, duke thënë se ishte i nevojshëm për të mbrojtur kapacitetin e kujdesit intensiv.

Leave a Reply