Franca ka regjistruar 66.794 raste të reja të të infektuarve me koronavirus gjatë 24 orëve të fundit.

Sipas një deklarate nga Instituti i Shëndetit Publik, në vend janë regjistruar 185 të vdekur në spitale nga virusi gjatë 24 orëve të fundit, duke e çuar numrin e përgjithshëm të viktimave në 96.678.

Ndërkaq, numri i rasteve tani ka arritur në 4.822.470.

Aktualisht, në spitalet e Francës trajtohen 29.341 pacientë të infektuar, përfshirë 5.341 në kujdes intensiv.

Ndërkohë, sipas shifrave të Ministrisë së Shëndetësisë, që nga 27 dhjetori i vitit 2020 janë vaksinuar 9.290.816 persona, duke përfshirë 3.131.644 që kanë marrë edhe dozën e dytë të vaksinës.